Röyadan kədərləndirən paylaşım: "Yoxluğunuz həyatımda çox hiss olunur" - VİDEO

Əməkdar incəsənət xadimi Nailə Mirməmmədlinin vəfatından bir il ötür.

BAKU.WS xəbər verir ki, Xalq artisti Röya Ayxan sosial şəbəkədə mərhum bəstəkarla bağlı paylaşım edib.

Sənətçi instaqram hesabında Nailə Mirməmmədlinin görüntülərini paylaşaraq onun yoxluğunu həyatındakı böyük boşluq adlandırıb:

“Mənim həyatımda böyük rolu olan ailəm, Nailə xanım... Bilirəm, yenə də yanımdasan. Axı sən sağ ikən Hikmət müəllimin ruhunun bizi izlədiyini deyirdin. İnandırmışdın. İndi ikinizin bir arada olduğuna inanıram. Ölümündən sabah bir il ötür. Dediyin kimi, kəpənəklər qovuşdu.

Arzuların reallaşır. Sənin ad günündə, 23 mayda Heydər Əliyev Sarayında böyük orkestr ilə yaradıcılıq gecəni keçirəcəyik. Əlbəttə, o gün Hikmət müəllimin mahnıları da orada oxunacaq. Sizi ayırmaq olarmı?

Həyat sizsiz davam edir... Sizin yoxluğunuz, həyatımda yaranan boşluq çox hiss olunur. Ruhunuz şad olsun.

Səni sevirəm, gözəl qadın”.

Qeyd edək ki, Nailə Mirməmmədli ötən ilin yanvarın 4-də vəfat edib.