Nur Yerlitaş vəfat etdi

Türkiyənin tanınmış modelyeri Nur Yerlitaş vəfat edib.

BAKU.WS türk mətbuatına istinadən xəbər verir ki, 65 yaşlı Yerlitaş dünən həyatla vidalaşıb.

O, uzun müddətdir ki, xərçəng xəstəliyindən əziyyət çəkirdi. Bir il əvvəl beyin əməliyyatı keçirmişdi. Əməliyyatdan sonra mütəmadi şəkildə kimyaterapiya müalicəsi alan 65 yaşlı tanınmış modelyer müalicə aldığı xəstəxanada vəfat edib.

Xatırladaq ki, Azərbaycan tamaşaçısına Türkiyə telekanallarında yayımlanan “Bak Kim Dans Ediyor” , “Yemekteyiz” , “Bu gün Ne Giysem” , “Bu Tarz Benim” , “İşte Benim Stilim” kimi proqramlardan tanışdır.