Neslihan Atagül "Kara Sevda"nın senaristləri ilə qayıdır

Analıq məzuniyyəti səbəbindən çəkilişlərə ara verən aktrisa Neslihan Atagül, yeni mövsümdə möhtəşəm bir qayıdışa imza atır.

BAKU.WS xəbər verir ki, o Türkiyənin nəhəng film şirkəti "Ay Yapım" ilə rəsmən müqavilə imzalayıb.

Adı "Kaderin Cilvesi" olan ekran işi, Neslihanın pərəstişkarlarını indidən həyəcanlandırmağa başlayıb.

Layihənin ən diqqətçəkən məqamı onun ssenari müəllifləridir.

Belə ki, serialı Neslihan Atagülün karyerasında silinməz iz qoyan və "Emmy" mükafatına layiq görülən əfsanəvi "Kara Sevda" serialının ssenaristləri Özlem Yılmaz və Anıl Eke qələmə alır.

Bu duet yenidən Atagül üçün dramatik və təsirli bir hekayə hazırlayır.

Hələlik hansı kanalda yayımlanacağı bəlli olmayan serialın ilkin süjet xətti artıq bəllidir.

Keçmişdə klubda işləyən bir qadının taleyinə meydan oxuması, çətinliklərə qarşı təkbaşına apardığı mübarizə və ayaqda qalma hekayəsindən bəhs edilir.

Serialın rejissorluğu üçün hazırda Nadim Güç ilə danışıqlar aparılır.

O, son olaraq yenə "Ay Yapım" imzalı "Kıskanmak" serialına rejissoru olub.