Miri Yusif onu şantaj edən şəxsi bağışladı

Xalq artisti Miri Yusifin prodüseri Emin Əfəndini sənətçinin videolarını yayacağı ilə şantaj edən şəxslə bağlı ilkin iclas keçirilib.

BAKU.WS xəbər verir ki, ilkin iclasda Miri Yusif və Emin Əfəndi sözügedən şəxsi bağışlayıb.

Yanvarın 19-u naməlum şəxs vatsap vasitəsilə Emin Əfəndiyə mesaj yazaraq Miri Yusifin videolarını yayacağı ilə hədələyib və pul tələb edib.

Daxili İşlər Nazirliyinin operativ reaksiyası nəticəsində sözügedən şəxs qısa zamanda polis tərəfindən saxlanılıb.