Manaf Ağayev: "Çimnaz Sultanova imkanlı aktrisa idi"

Bir neçə gün əvvəl sosial şəbəkələrdə mərhum aktrisa Çimnaz Sultanovanın məzarının görüntüləri yayılıb. 

BAKU.WS xəbər verir ki, sosial şəbəkələrdə aktrisanın ailəsinin imkanı olmadığı üçün ona baş daşı hazırlatdırmadığı iddia edilib. 

Bununla bağlı müğənni Manaf Ağayev açıqlama verib.

"Rəngarəng" verilişinə qonaq olan ifaçı qeyd edib ki, Çimnaz Sultanova imkanlı aktrisa olub. Onun qəbri daşının hazır olmaması pul ilə bağlı deyil. 

"Çimnazın böyük imkanları var idi. Bu, pulla əlaqəli deyil. Sadəcə bakılılarda adət var ki, ölüm ildönümünə qədər qəbirüstü abidə qoyulmur" - deyə Ağayev qeyd edib. 

Xatırladaq ki, Çimnaz Sultanova bu il yanvarın 15-də vəfat edib. O onkoloji xəstəlikdən dünyasını dəyişib.