Əfsanəvi Alen Delonun evindən çox sayda silah-sursat tapıldı

Fransa polisi kino əfsanəsi Alen Delonun evindən 72 silah və 3 mindən çox güllə ələ keçirib.

BAKU.WS bu barədə xarici mediaya istinadən xəbər verir.

Aktyorun Parisdən təqribən 135 kilometr cənubda yerləşən Duşi-Monkorbondakı evində də atış poliqonu tapılıb.

Prokurorlar Delonun silah icazəsi olmadığını bildiriblər.

Axtarışlar məhkəmə rəsmisinin Delonun evində silah görüb hakimə xəbər verməsindən sonra aparılıb.

Qeyd edək ki, 88 yaşlı əfsanəvi aktyor "Samuray" (1967) və "Borsalino" (1970) kimi filmlərdə sərt görünüşlü obrazları canlandırıb.