Dünyanın ən güclü kikboksçularından Çingiz Əlləzovun məşq düşərgəsi - VİDEO

“12 yaşımda dünya çempionatından sonra mən atama dedim ki, çempion olmaq istəyirəm və bu idmandan başqa özümü heç yerdə görə bilmirəm”.

Bu sözləri kikboksinq üzrə “One Championship” Dünya Qran-prisinin qalibi və yüngül çəkidə mütləq çempion Azərbaycan və Belarusu təmsil edən Çingiz Əlləzov Baku TV-nin qonağı olarkən deyib.

“Həyatımın dönüş nöqtəsini xatırlayıram. O zaman sonuncu dəfə məğlub olmuşdum. O məğlubiyyətdən sonra öz-özümə sual verdim:

Niyə mən həyatımı bu idmana sərf etmişəm? Sıradan bir çempion olmaq üçünmü? Yoxsa planetimizin döyüşçülərinin içində yaxşıların yaxşısına çevrilmək üçünmü?

Həmin döyüşə görə təşəkkürümü bildirirəm. O döyüş mənim üçün çox önəmlidir. O döyüşdən sonra mən bütün göstəricilərə görə olduğumdan da yaxşı oldum.

Həm mənəvi, həm də fiziki baxımdan bu idmana və elə həyatda hər şeyə yanaşmam dəyişdi”, - Ç.Əlləzov vurğulayıb.

Ətraflı Baku TV-nin süjetində: