Ajda Pekkan bu geyimdə yallı getdi

Türkiyəli müğənni Ajda Pekkan "Tuzlu Kahve" serialına qonaq olub. Sənətçi kovboy üslubunda geyimi ilə çəkiliş meydançasında diqqət çəkib.

BAKU.WS xəbər verir ki, Ajda Pekkan serialda Binnur Kayanın canlandırdığı Hatun obrazı ilə birlikdə kənddə yallı gedib. Müğənninin çəkiliş meydançasındakı görüntülərini layihənin prodüseri Polat Yağcı yayımlayıb.

Kameraarxası görüntülərdə Pekkanın mahnı ifa etdiyi anlar da yer alıb. Prodüser yeni bölümdə tamaşaçıları qeyri-adi hadisələrin gözlədiyini bildirib.

Ajda Pekkanın qonaq olduğu "Tuzlu Kahve" serialının yeddinci bölümü oktyabrın 13-də Star TV-də yayımlanacaq.