Megafun-da “Həyəcan mövsümü” lotereyası möhtəşəm şəkildə sona çatdı - FOTO

Megafun alış-veriş və əyləncə mərkəzi haqqında yayılan bütün məlumatların çox pozitiv, sevinc dolu və xoş xəbərlərdən ibarət olduğuna yəqin diqqət etmisiniz. Həqiqətən, bu məkanın əsas məramı fəaliyyətə başladığı gündən uşaqdan böyüyə hər kəsə xoş əhval və müsbət emosiyalar bəxş etmək olub.

Bu gün artıq Megafun 7 yaşını qeyd edir. Əlbəttə bu gün də Megafun-da maraqlı proqram həyata keçəcək. Lakin dekabrın 19-da baş verənləri istər ad günü öncəsi, istər Yeni İl öncəsi həyata keçirilən ən uğurlu layihələrdən biri adlandırmaq olar. Həmin gün sentyabrdan start götürən “Həyəcan mövsümü” uduşlu lotereyasının II turu başa çatdı. Və artıq düşünə bildiyiniz kimi sakit-səssiz deyil, möhtəşəm bir şəkildə.Lotereyanın iştirakçısı olmaq üçün sadəcə Ticarət və Əyləncə Mərkəzinə gələrək burada yerləşən tmağazalardan alış-veriş etmək, gözəllik salonu, restoran və ya kafeləri ziyarət etmək yaxud uşaqları attraksionlara apararaq cəmi 50 manat xərcləməyiniz kifayət idi. Hər 50 manat onun xərcləyənə 1 lotereya kuponu təmin edirdi. Bu bir kupon isə öz növbəsində 37 dəyərli hədiyyəyə sahib olma şansı yaradırdı.Öncədən də xəbər verildiyi kimi, “Həyəcan mövsümü”-nün II turunu həm Megafun-ın qonaqları, həm də Xəzər TV-nin tamaşaçıları canlı efirdə izləyə bilirdi. Lotereyanın gedişatına və şəffaflığına 3 nəfərdən ibarət bitərəf komissiya nəzarət edirdi. Tədbirin idarə edilməsi isə bu dəfə də məşhur aparıcı Nəsib Nura həvalə olunmuşdu. 37 hədiyyə uğrunda 9000-ə yaxın kupon, daha doğrusu onların sahibləri mübarizə aparırdı. Ancaq bu mübarizənin əsas hədəfi, heç şübhəsiz, 2 ədəd “Wolksvagen Polo” avtomobili idi. İlk avtomobilin sahibini Nəsib Nur özü açıqladı. Bu 200323 N-li kuponlu iştirakçı Samir Novruzlu idi. Qalib bu xəbəri telefonla aparıcının özündən eşitdi. 2-ci avtomobilin şanslı qalibi isə öz adını ölkənin ən parlaq ulduzlarından biri- xalq artisti Miri Yusifin dilindən eşitdi. Bir neçə saniyə sonra o artıq səhnədə idi. Sən demə 200402 N-li kuponun sahibi- Ruslan Həsənov lotereyanın gedişatını Megafun-ın özündə izləyirmiş. Ancaq hədiyyə yağışı bununla bitmədi. 37 şanslı iştirakçını, Megafun-a toplaşmış yüzlərlə insanı və Xəzər TV-nin çoxsaylı izləyicilərini bir sürpriz daha gözləyirdi. Bu da sevilən sənətçi, xalq artisti Miri Yusifin konserti idi. Miri Yusif konsertlərində bircə dəfə olanlar yaxşı bələddirlər, bu coşqunu, bu enerjini, bu sevgini hər sənətçi paylaşa bilmir. Bu dəfə də istisna olmadı. Sənətçi coşdu və coşdurdu, mahnılarını söylədi və söylətdi, rəqs elədi və oynatdı. Bu dəfə də hamı Megafun-dan razı ayrıldı.Biz də öz növbəmizdə Megafun-ı təbrik edir və ondan yeni maraqlı layihələr gözləyirik.Aşağıda qaliblərin siyahısının təqdim edirik:

Qalereya