Müstəqillik günündə Polad Həşimovu belə yad etdilər - FOTO/VİDEO

1918-ci ildə müsəlman Şərqində ilk dünyəvi demokratik dövlət olan Azərbaycan Xalq Cümhuriyyətinin yaranması ilə əlaqədar olaraq bu gün ölkəmizdə 28 May Müstəqillik günü qeyd olunur.

BAKU.WS xəbər verir ki, Müstəqillik günü ilə əlaqədar olaraq 166 Yükdaşıma və Logistika xidməti daha bir örnək layihəyə imza atıb.

Şirkət müstəqilliyimizin əbədi olması uğrunda canından keçən Azərbaycanın Milli Qəhrəmanı, Azərbaycan Silahlı Qüvvələrinin general-mayoru şəhid Polad Həşimovun yaşadığı ünvana ziyarət edib.

166 Yükdaşıma və Logistika xidməti həmçinin 166 Bağban Xİdməti general Polad Həşimovun yaşadığı ünvanda abadlıq işləri görüb.

Onlar öncə şəhidimizin həyətində təmizlik işləri aparıb.

Daha sonra isə alınan güllərlə General Polad Həşimovun əziz xatirəsinə həsr olunmuş abidənin ətrafını yaşıllaşdırıb. Göstərilən diqqətə görə şəhidin ailəsi şirkətə minnətdarlığını ifadə edib.

Qalereya