Xudafərinin və Zəngilanın düşməndən təmizləndiyini Ali Baş Komandana məruzə edən polkovnik - VİDEO

Xudafərinin və Zəngilanın düşməndən təmizləndiyini Ali Baş Komandana məruzə edən polkovnik Babək Ələkbərovdur.

O, 27 sentyabr 2020-ci ildə başlanan Vətən müharibəsi zamanı Arazboyu əməliyyatlarda böyük şücaət göstərib.

Babək Ələkbərova Azərbaycanın ərazi bütövlüyünün bərpa edilməsində xüsusi xidmətlərinə və işğal olunmuş ərazilərin azad olunması zamanı düşmənin məhv edilməsi üzrə qarşıya qoyulmuş döyüş tapşırığını yerinə yetirən zaman göstərdiyi qəhrəmanlıq nümunəsinə görə, həmçinin hərbi qulluq vəzifəsini yerinə yetirən zaman igidliyin və mərdliyin nümayiş etdirilməsinə görə Prezident İlham Əliyevin 9 dekabr 2020-ci il tarixli Sərəncamı ilə “Vətən Müharibəsi Qəhrəmanı” adı verilib.