Ukrayna ordusu Baxmutda yeni əraziləri azad etdi

Ukrayna Silahlı Qüvvələri Baxmut şəhərində Rusiya qoşunlarını ən azı daha bir kilometr geri sıxışdırıb.

BAKU.WS Unian-a istinadən xəbər verir ki, bu barədə Böyük Britanyanın Müdafiə Nazirliyi məlumat yayıb.

Məlumata görə, ruslar Baxmutun cənub cinahındakı mövqelərindən geri çəkilib:

“Son dörd gün ərzində Rusiyanın 72-ci əlahiddə motoatıcı briqadasının hissələri ağır itkilər verərək, eyni zamanda fiziki və mənəvi baxımdan zəifləmiş vəziyyətdə Baxmutun cənub cinahındakı mövqelərindən geri çəkilib”.

Xatırladaq ki, ötən gün Baxmut şəhərinin 2 km ərazisinin Ukrayna müdafiəçiləri tərəfindən Rusiya hərbçilərindən azad edildiyinə dair xəbərlər yayılmışdı.