Türkiyəli deputatın ailəsi dağıntılar altında qalıb - FOTO

Türkiyənin hakim Ədalət və İnkişaf Partiyasının Hatay deputatı Hüseyn Yaymanın ailəsi zəlzələ nəticəsində dağıntılar altında qalıb.

BAKU.WS xəbər verir ki, bu barədə deputat "CNN Türk"ün canlı yayımında bildirib.

"İki qardaşım, onların həyat yoldaşları, bacım və onun həyat yoldaşı və övladları dağıntılar altında qaldı", - deyə Yayman bildirib.

Xatırladaq ki, Türkiyədə bu gün səhər saatlarında 7,4 bal gücündə zəlzələ olub, 76 nəfər ölüb, 440 nəfər yaralanıb. Zəlzələnin ocağı Kahramanmaraş şəhərinin Pazarcık rayonu ərazisində 7 km dərinlikdə olub. Yeraltı təkanlar Bakı vaxtı ilə 05:17-də qeydə alınıb.

Qalereya