Türkiyədə dəhşətli qəza: Çox sayda yaralı var - YENİLƏNİB

Afyonkarahisarda səhər saatlarında meydana gələn avtobus qəzasında yaralanan 17 sərnişindən biri dünyasını dəyişib.

BAKU.WS bu barədə "Haber Global"a istinadən xəbər verir.

Xəstəxanaya aparılan yaralılardan A. Şükrü adlı şəxsi bütün müdaxilələrə baxmayaraq xilas etmək mümkün olmayıb.

Qəza ilə bağlı jandarma tərəfindən araşdırma başladılıb.

***09:33

Türkiyənin Afyonkarahisar şəhərinin Sandıklı rayonunda sərnişin avtobusu ilə yük maşını toqquşub.

BAKU.WS "Haber Global"a istinadən xəbər verir ki, ilkin məlumata görə, 17 nəfər yaralanıb.

Afyonkarahisar-Antalya magistral yolunun Başağaç kəndi yaxınlığında sərnişin avtobusu sürücüsü hələlik məlum olmayan suvarma boruları ilə yüklənmiş maşınla toqquşub.

İlkin məlumatlara görə, avtomobillərdə olan 17 nəfər xəsarət alıb, onlardan 3-nün vəziyyəti ağırdır.

Hadisə yerinə sağlamlıq, polis və jandarma qrupları cəlb edilib.

Yaralılar təcili yardım maşınları ilə Afyonkarahisardakı xəstəxanalara aparılıb.