Bayram ziyarətindən qayıdan ailə qəzaya düşdü: Ölən və yaralananlar var - FOTO

Türkiyədə ağır-yol nəqliyyatı hadisəsi baş verib.

BAKU.WS "Haber Global"a istinadən xəbər verir ki, Şimal Mərmərə magistralının Kocaeli hissəsində yük maşının avtomobilə çırpılması nəticəsində 2 nəfər ölüb, 4 nəfər yaralanıb.

Magistral yolu ilə İstanbul istiqamətində hərəkət edən Ö.A adlı şəxsin idarə etdiyi yük maşını A.S. adlı şəxsin idarə etdiyi avtomobilə çırpılıb.

Hadisə zamanı yük maşını aşıb, avtomobil isə təxminən 100 metr sürükləndikdən sonra dayana bilib.

Əraziyə jandarma, sağlamlıq və xilasetmə qrupları cəlb edilib.

A.S aparıldığı Gebze Fatih Dövlət Xəstəxanasında, 17 yaşlı qızı S.S. isə hadisə yerində həyatını itirib.

Avtomobildə olan 2 və yük maşınında olan 2 yaralı təcili yardım maşınları ilə xəstəxanalara aparılıb.

Yaralıların vəziyyətinin yaxşı olduğu qeyd olunur.

Avtomobilin sürücüsü A.S.-nin ailəsi ilə birlikdə bayram ziyarətinə getdiyi Hataydan qayıtdığı bildirilib.

Qalereya