Türkiyə və Qətəri hədəf seçən 7 min "Twitter" hesabı bağlanıb

Səudiyyə Ərəbistanı, BƏƏ və Misir tərəfindən idarə olunan 7 min 891 "Twitter" istifadəçisinin hesabı bağlanıb.

BAKU.WS xəbər verir ki, buna səbəb qeyd olunan profillərin Türkiyə və Qətər rəhbərliklərini hədəfə alması və təxribat tipli paylaşımlar etməsidir.

Platformalarda yalan məlumat verən və nifrət yaradacaq ifadələrlə kütlələrə müraciət edən hesablar "Twitter"in siyasi qaydalarını pozduğu üçün bağlanmaq məcuriyyətinə qalıb.

Qeyd edək ki, "Twitter"in məlumat təhlükəsizliyi ilə bağlı fəaliyyət göstərən "@TwitterSafety" səhifəsi propoqanda yarışında ən çox 5 ölkənin hesablarının silindiyini açıqlayıb: Misir, Honduras, İndoneziya, Səudiyyə Ərəbistanı və Serbiya.