Türkiyə qısa zamanda yerli peyvəndlərdən istifadə edəcək

Türkiyə qısa zaman kəsiyində yerli istehsal olan peyvəndlərdən koronavirus məqsədilə istifadə edəcək.

BAKU.WS “Anadolu” agentliyinə istinadən xəbər verir ki, bu barədə Türkiyə Səhiyyə naziri Fahrettin Koca açıqlama verib. Onun sözlərinə görə, qısa zamanda 5 yerli peyvənd firması sınaqlara başlayacaq.

“Çin ilə 50 milyon ədəd peyvənd almaqla bağlı razılığı noyabrda əldə etmişik. Yazın sonuna kimi bu peyvəndləmənin hamısını başa çatdırsaq koronavirusun üzərimizdə təzyiqi azalacaq. Bu il COVİD-19 2020-ci ildəki kimi davam etməyəcək. Ümid edirəm ki, bu müharibədə uğur əldə edən ilk cəbhələrdən olacağıq”, - deyə türkiyəli nazir bildirib.