Türkiyə quru əməliyyatına başladı - xüsusi təyinatlılar sərhədi keçdi (VİDEO)

Türkiyə Suriyanın şimalında terrorçuların yaratmaq istədiyi dəhlizə maneə olmaq məqsədiylə həyata keçirdiyi hərbi əməliyyatları davam etdirir. BAKU.WS-in məlumatına görə, Türk Silahlı Qüvvələrinə (TSK) aid 72 hərbi təyyarə Suriyanın şimalındakı Afrində yerləşən terror təşkilatı PYD/PKK-ya məxsus 113 hədəfdən 108-ni vurub. TSK-nın hədəfləri arasında PYD/PKK nəzarətində olan "Minniğ" hərbi aerodromu da olub. Türk Silahlı Qüvvələrinin artileriyaları Hatayın Reyhanlı, Kırıkhan və Hassa bölgələrindən Suriyada yerləşən PYD/PKK hədəflərini vurub. Suriya sərhədinə çox sayda hərbi texnikanın və canlı qüvvənin göndərilməsi gecə boyunca davam edib. Quru əməliyyatının ilk addımı olaraq Bolu və Kayseri xüsusi təyinatlıları sərhədi keçib. ŞahinBAKU.WS