Suriyada ABŞ helikopteri qəzaya düşdü, 22 ABŞ əsgəri yaralandı

Suriyanın şimal-şərqində vertolyotun qəzaya uğraması nəticəsində 22 amerikalı əsgər yaralanıb.

BAKU.WS xarici mətbuata istinadən xəbər verir ki, qəzanın səbəbləri hələlik məlum deyil.

ABŞ Mərkəzi Komandanlığından (CENTCOM) verilən yazılı açıqlamada, iyunun 11-də Suriyanın şimal-şərqində helikopterin qəzaya uğraması nəticəsində 22 ABŞ əsgərinin müxtəlif dərəcədə yaralandığı bildirilib.

Qeyd olunub ki, xəsarət alan əsgərlərə tibbi yardım göstərilib, onlardan 10-u "CENTCOM"dan kənarda yerləşən “reanimasiya müəssisələrinə” yerləşdirilib. Helikopterin hər hansı “düşmən atəşi” nəticəsində qəzaya uğramadığı bildirilib. Hadisə ilə bağlı əlavə məlumat verilməyib.