Superkubok matçı təxirə salındıqdan sonra təxribat xarakterli paylaşım edən şəxs saxlanılıb - FOTO

Səudiyyə Ərəbistanının Ər-Riyad şəhərində keçirilməli olan Türkiyə Superkubokunun finalı ləğv edildikdən sonra sosial şəbəkələrdə edilən bəzi paylaşımlarla bağlı araşdırmalara başlanılıb.

BAKU.WS xəbər verir ki, mövzu ilə bağlı ölkənin Daxili İşlər Naziri Ali Yerlikaya açıqlama verib.

O, bildirib ki, Ö.B.Ç. təxribat məzmunlu paylaşımlar etdiyi üçün saxlanılıb.

“Qalatasaray-Fənərbağça Superkubok final matçının təxirə salınmasından sonra dini və mənəvi dəyərlərimizi təhqir etməyə çalışan, sosial şəbəkələrdə təhqir və təxribatlar paylaşan Ö.B.Ç. media platformaları nəzarətə götürülüb. Kibercinayətlərlə Mübarizə İdarəmiz tərəfindən aparılan araşdırmalar davam edir”.

Qalereya