Türkiyədə maraqlı yenilik CƏZA

Türkiyədə ailə vəziyyətinə görə subaylara kirayə ev verməyən şəxslərə qarşı inzibati tənbeh tədbirləri tətbiq edilir.

BAKU.WS Türkiyə KİV-ə istinadən xəbər verir ki, mövzu ilə bağlı açıqlama verən Türkiyə İnsan Haqları və Bərabərlik Qurumunun (TİHEK) sədri Məhərrəm Kılıç ayrı-seçkilik edənlərin hər birinə 90 min TL pul cəzası kəsildiyini bildirib.

Bəzi ev sahibləri evlərini subay vətəndaşlara kirayə verməkdən çəkinirlər. Evli cütlüklərə üstünlük verən ev sahiblərinin bu münasibəti səbəbiylə subaylar ev tapmaqda çətinlik çəkirlər. Ev sahibləri ilə yanaşı, bəzi daşınmaz əmlak agentləri və internet saytları da bu problemin böyüməsinə şərait yaradırlar.