İŞİD liderinin “sağ əli” İstanbulda yaxalandı

İki il əvvəl Suriyada öldürülən İŞİD terror təşkilatının lideri Əbu Bəkr əl-Bağdadinin ən çox güvəndiyi əsas adamlarından biri, kod adı “Basim” olan Əfqanıstan əsilli terrorçu İstanbulda ələ keçirilib.

BAKU.WS AZƏRTAC-a istinadən xəbər verir ki, Türkiyənin Milli Kəşfiyyat Agentliyi və İstanbul terrorla mübarizə polisinin birgə əməliyyatı nəticəsində saxlanılan bu şəxs, eyni zamanda, terror təşkilatının hərbi qruplaşmasının rəhbəri hesab edilir.

2014-cü ildən başlayaraq bir çox terror hadisələrinin törədilməsində təqsirli bilinən, Suriyadan Türkiyə ərazisinə keçərək saxta pasportla İstanbulda yaşayan terrorçu şəhərin Ataşehir rayonunda ələ keçirilib.