Seldən 6 mindən çox adamın öldüyü Liviya baş naziri açıqladı: "Dərslər dayandırılır" - FOTO

Liviyada baş verən sel fəlakəti səbəbindən ibtidai və orta təhsil müəssisələrində təhsil 10 gün müddətinə dayandırılıb.

BAKU.WS xəbər verir ki, bu barədə Liviya Milli Birlik Hökumətinin baş naziri Əbdülhəmid ed-Dibeybe ölkəsində baş verən sel fəlakəti ilə bağlı feysbukda verdiyi açıqlamada bildirib.

O, həmçinin qeyd edib ki, bu bölgələrdəki tələbələrin təhsilə qayıtması üçün Təhsil Nazirliyinə plan hazırlamağı tapşırıb.

Sözügedən ərazilərdə təhsil üçün müvəqqəti mərkəzlər yaradılacaq.

Xatırladaq ki, baş nazir daha əvvəl sel səbəbiylə evlərini tərk edənləri yerləşdirmək üçün 700 yatağa malik gəminin Dərnə sahilinə yönəldildiyini söyləmişdi.

Qeyd edək ki, sentyabrın 10-da Liviyanın şərqini vuran "Daniel" tufanı Benqazi, Beyda, Mərc, Suse və Derna şəhərlərində daşqınlara səbəb olub.

Liviya Milli Birlik Hökuməti sel fəlakətində 6 min insanın öldüyünü, minlərlə insanın itkin düşdüyünü açıqlayıb.