Rusiyada zavodda güclü yanğın - VİDEO

Rusiyanın Moskva vilayətinin Xotkovo şəhərində yerləşən “Elektroizolit” zavodunda yanğın başlayıb.

Bu barədə Rusiya Fövqəladə Hallar Nazirliyindən məlumat verilib.

Nazirliyin məlumatına görə, yanğın 1,8 min kvadratmetr sahəni əhatə edir. Prokurorluqdan bildirildiyinə görə isə bu, üç min kvadratmetr təşkil edir.

Yanğın 150 kvadratmetr ərazidə lokallaşdırılıb. Sexin dam örtüyü yanır, binadan dörd nəfər təxliyə olunub.

Yanğın nəticəsində ətrafı qalın tüstü bürüyüb.