Rusiyada 107 şagirdi zorlayan musiqi müəllimi həbs edildi

Rusiyanın Sverdlovsk vilayətində musiqi müəllimi işləyən kişi 10-13 yaş arası oğlanları zorladığı üçün ciddi rejimli koloniyada 23 il cəza alıb.

Bu barədə "Mash" teleqram kanalı məlumat yayıb.

Məlumata görə, pedofil Yevgeni Polejayev Uralda “7 not” musiqi studiyasının yaradıcısı kimi tanınıb. Həmin şəxs Rusiyaya Qazaxıstandan gəlib və yerli hakimiyyət orqanları ona işlədiyi Kuzino kəndində iş və evlə köməklik ediblər.

Polejayevin emalatxanasının tələbələri onun rəhbərliyi altında konsertlər veriblər. Məhkum tələbələrə oxumağı və musiqi alətlərində ifa etməyi öyrədib.

Eyni zamanda o, müntəzəm olaraq uşaqlara təcavüz edib, onlara qarşı seksual hərəkətlərə yol verib, zorlayıb. Pedofil öz hərəkətlərini lentə alıb və zorlanan tələbələrə bunun böyük səhnəyə çıxmağın yeganə yolu olduğunu deyib. Hadisə valideynlərinə hər şeyi danışan tələbələrdən birinin sayəsində məlum olub və onlar daha sonra pedofil müəllimin əleyhinə ifadə yazıblar.

Müstəntiqlər məhkumun uşaqlara qarşı 107-yə yaxın zorakılıq hərəkəti epizodunu müəyyən ediblər.