Rusiya hərbçilərinin girov götürdüyü azərbaycanlı tələbə azad olunur

Ukraynada Azərbaycanın Neftçala rayonundan olan tələbə Hüseyn Abdullayev girovluqdan azad edilir.

BAKU.WS xəbər verir ki, bu barədə Report-a onun atası Amil Abdullayev məlumat verib.

Onun sözlərinə görə, oğlu Hüseynin girov saxlanıldığı yerdən 130 km kənarda yerləşən Zaporojya şəhərində Azərbaycan diaspor nümayəndələrinə təhvil verilməsi ilə bağlı razılıq əldə edilib.

Qeyd edək ki, H.Abdullayev ötən ay sığınacaqdan çıxaraq Mariupol şəhərini tərk etmək istəyərkən avtomaşında olan şəxslərlə birgə girov götürülmüşdü.