Rusiya bir sıra ölkələrin şirkətlərinə sanksiyalar tətbiq edib

Rusiya Aİ, Ukrayna və Britaniyanın avtomobil nəqliyyatı şirkətlərinə qarşı əks sanksiyalar tətbiq edib.

BAKU.WS Rusiya KİV-ə istinadən xəbər verir ki, Rusiya hökuməti oktyabrın 10-dan etibarən Aİ, Ukrayna, Böyük Britaniya və Şimali İrlandiya və Norveçdən olan nəqliyyat şirkətləri üçün ölkə ərazisi üzrə beynəlxalq avtomobil daşımalarına qadağa qoyub.

O cümlədən, qadağa ikitərəfli və tranzit daşımalara, habelə üçüncü dövlətin ərazisindən və ya ərazisinə daşınmaya şamil edilir.

Fərman oktyabrın 10-dan qüvvəyə minir və 2022-ci il dekabrın 31-dək qüvvədədir.

Rusiya prezidenti Vladimir Putin sentyabrın 29-da hökumətə Rusiya Federasiyası ərazisindən avtomobil yolu ilə “dost olmayan” ölkələrdən yüklərin daşınmasına qadağa qoymaq səlahiyyəti verən fərman imzalayıb .

Aprelin 8-də Rusiya Federasiyası və Belarusda yaradılmış hər hansı avtomobil nəqliyyatı müəssisələrinə Avropa İttifaqının ərazisindən, o cümlədən tranzitlə yüklərin daşınmasına qadağa qüvvəyə minib.