İranda 23 deputat koronavirusa yoluxub

İran parlamentinin 23 üzvü koronavirusa yoluxub.

BAKU.WS xəbər verir ki, bu barədə "YJC" portalı İran parlamentinin spiker köməkçisi Əbdülrza Məsriyə istinadən məlumat yayıb.

O həmçinin millət vəkillərini xalqla təmaslarını məhdudlaşdırmağa çağırıb.

Son məlumatlara görə, fevralın 19-dan bəri İranda 1501 nəfər koronavirus infeksiyasına yoluxub. Onlardan 66-sı həyatını itirib, 291 nəfər isə sağalıb.

İran hakimiyyəti xəstəliyin daha da yayılacağını proqnozlaşdırır.