Putin: "Rusiya xərçəng vaksini əldə etməyə yaxındır" - VİDEO

“Rusiya xərçəngə qarşı vaksinlər yaratmaq üzərində işləyir. Artıq vaksin yaratmağa bir addım qalır”.

BAKU.WS “Qazeta.ru”ya istinadən xəbər verir ki, bunu Rusiya prezidenti Vladimir Putin Gələcəyin Texnologiyaları Forumunda çıxışı zamanı deyib.

“Ümid edirəm ki, tezliklə bunlardan fərdi terapiya metodları kimi səmərəli istifadə olunacaq”, - deyə Putin qeyd edib.

Prezident həmçinin bildirib ki, Rusiya vətəndaşları arasında xərçəngin yarıdan çoxu hazırda erkən mərhələdə aşkarlanır. Onun sözlərinə görə, 2020-ci ildən kimyaterapiyanın həcmi 60 faiz, şüa terapiyası 25 faizdən çox artıb.