Numan Kurtulmuş 20 Yanvar faciəsi ilə bağlı paylaşım edib

20 Yanvar şəhidləri Azərbaycanın müstəqilliyi uğrunda canlarından keçiblər.

Bunu Türkiyə parlamentinin sədri Numan Kurtulmuş hadisələrin 35-ci ildönümü ilə bağlı "X" sosial şəbəkəsindəki paylaşımında yazıb.

Siyasətçi şəhidlərin xatirəsini dərin ehtiramla yad etdiyini və qardaş Azərbaycan xalqının dərdinə ürəkdən şərik olduğunu vurğulayıb.

"Biz bundan sonra da "bir millət, iki dövlət" prinsipinə əməl edərək Azərbaycanla həm sevincdə, həm də kədərdə birliyimizi qoruyub saxlayacağıq", - o qeyd edib.