Moskva məktəblərində buraxılış mərasimləri bir həftə təxirə salındı

Moskva məktəblərində buraxılış mərasimləri və Qorki parkında ümumşəhər buraxılış mərasimi bir həftə təxirə salınıb.

BAKU.WS TASS-a istinadən xəbər verir ki, bu barədə Rusiyanın Təhsil və Elm Departamenti məlumat yayıb.

Qərar Rusiyada yaşanan mövcud hərbi-siyasi vəziyyətlə bağlı verilib.

Xatırladaq ki, ötən gün Rusiya hərbçiləri “Vaqner” muzdlu hərbi təşkilatının arxa düşərgələrinə raket zərbələri endirib, bir çox döyüşçü ölüb. Bunu Rusiyanın “Vaqner” Xüsusi Hərbi Şirkətinin başçısı Yevgeni Priqojin bildirib.

Rusiya Müdafiə Nazirliyi Priqojinin bəyanatını təkzib edərək qeyd edib ki, döyüşçülərin arxa düşərgələrinə zərbə endirilməsi barədə məlumat təxribat xarakterli informasiyadır və reallığı özündə əks etdirmir.