Məşhur kurortda torpaq sürüşməsi - 13 nəfər öldü

Tailandın məşhur kurort zonası olan Phuket adasında torpaq sürüşməsi baş verib.

BAKU.WS "Reuters"ə istinadən xəbər verir ki, ikisi rus olmaqla 13 nəfər torpağın altında qalıb.

Məlumata görə, ötən həftə yağan güclü yağışlar ölkənin cənubunda məşhur turistik məkan olan Böyük Buddanın yaxınlığında torpaq sürüşməsinə səbəb olub.

Ruslardan başqa, Myanmadan olan 9 işçi həlak olub, digər iki nəfər isə Tailandlı olub. Sürüşmə nəticəsində 20-yə yaxın insan xəsarət alıb, 209 təsərrüfat zərər çəkib.