Meksikada təyyarə qəzası: Pilot və 2 yaşlı oğlu öldü

Meksikanın Mazatlan şəhərində kiçik təyyarə dənizə düşüb.

BAKU.WS "Haber Global"a istinadən xəbər verir ki, dəhşətli qəza nəticəsində təyyarənin pilotu və 2 yaşlı oğlu həlak olub, təyyarədə olan digər 4 nəfər yaralanıb.

Hadisədən sonra əraziyə çoxlu axtarış-xilasetmə qrupu göndərilib.

2 yaşlı uşağın cansız bədəninin tapıldığı, pilotun isə təyyarənin dağıntıları ilə birlikdə batmış ola biləcəyi bildirilib.

Hadisə şahidlərinin sözlərinə görə, pilot təyyarənin mühərrikində yaranan nasazlıq nəticəsində təcili eniş etməyə cəhd edib, lakin idarəetməni itirərək dənizə düşüb.

Təyyarənin qalıqlarının dənizdən çıxarılması istiqamətində işlər davam edir.