Mask Kadırova "Cybertruck" hədiyyə göndərmədiyini AÇIQLADI

"SpaceX" şirkətinin qurucusu, biznesmen İlon Musk Çeçenistan rəhbəri Ramzan Kadırova "Tesla Cybertruck" hədiyyə etməsi barədə məlumatı təkzib edib.

Bu barədə biznesmen "X" sosial şəbəkəsindəki səhifəsində yazıb.

“Siz ciddi olaraq bu qədər axmaqmısınız ki, mənim bir rus generalına "Cybertruck" hədiyyə etdiyimi düşünürsünüz? Bu, ənənəvi medianın necə yalan danışmasının növbəti nümunəsidir”,-deyə Mask qedy edib.

Buna qədər Ramzan Kadirov damında pulemyot olan "Cybertruck" idarə etmişdi. O, elektromobili dünyanın ən yaxşı maşınlarından biri, manevr qabiliyyətli, çox rahat, yüksək sürət yığan və maneələri aşan bir avtomobil adlandırmış və bu ona bütün varlığı ilə vurulduğunu bildirmişdi. Çeçenistan rəhbəri əlavə etmişdi ki, "Cybertruck" tezliklə müharibə zonasına göndəriləcək və orduya çox fayda gətirəcək.