İranın Naxçıvana dron hücumundan sonra beynəlxalq ictimaiyyətdən ölkəmizə TAM DƏSTƏK

2026-cı ilin 5 mart tarixində İran ərazisindən buraxılan pilotsuz uçuş aparatlarının Azərbaycanın Naxçıvan Muxtar Respublikasına hücumu nəticəsində mülki infrastruktura zərər dəyib və insanlar xəsarət alıb.

Посмотреть эту публикацию в Instagram

Публикация от @baku.ws_official

Azərbaycan bu hücumu beynəlxalq hüququn kobud pozuntusu kimi qiymətləndirərək İran tərəfinə rəsmi etirazını bildirib və cavab tədbirləri görmək hüququnu saxladığını bəyan edib.

Посмотреть эту публикацию в Instagram

Публикация от @baku.ws_official

Hadisədən dərhal sonra dünya ölkələri və beynəlxalq təşkilatlar Azərbaycanın suverenliyinə dəstək ifadə edən bəyanatlar səsləndirib. Həmçinin diplomatik kanallar vasitəsilə həmrəylik nümayiş etdiriblər. Azərbaycanın Xarici İşlər Nazirliyi bu dəstək mesajları, telefon zəngləri və rəsmi açıqlamalara görə bütün tərəfdaş ölkələrə təşəkkür edib.

Azərbaycana ən yüksək səviyyədə dəstək verən ölkələrin adlarını təqdim edirik:

Albaniya

Almaniya

ABŞ

Avstriya

Bəhreyn

Belarus

Belçika

Bosniya və Herseqovina

Bolqarıstan

Böyük Britaniya

Birləşmiş Ərəb Əmirlikləri

Çexiya

Efiopiya

Ermənistan

Estoniya

Finlandiya

Fransa

Gürcüstan

Xorvatiya

İordaniya

İraq

İspaniya

İsrail

İsveçrə

İtaliya

Qazaxıstan

Qətər

Qırğızıstan

Küveyt

Latviya

Litva

Liviya

Macarıstan

Mərakeş

Moldova

Monteneqro

Norveç

Pakistan

Polşa

Rumıniya

Serbiya

Slovakiya

Sloveniya

Sudan

Türkiyə

Türkmənistan

Ukrayna

Yunanıstan

Özbəkistan

We express our sincere gratitude for the statements of support, letters, and phone calls received from our international partners following the Iranian drone strikes against the territory of the Republic of #Azerbaijan.

We highly value the solidarity shown with Azerbaijan and… pic.twitter.com/XPAqVjdQJ4

— MFA Azerbaijan 🇦🇿 (@AzerbaijanMFA) March 6, 2026

Azərbaycan XİN paylaşıma əlavə olaraq bunları qeyd edib:

"Azərbaycan Respublikasının ərazisinə İran dronlarının hücumundan sonra beynəlxalq tərəfdaşlarımızdan daxil olan dəstək bəyanatlarına, məktublara və telefon zənglərinə görə səmimi təşəkkürümüzü bildiririk. Azərbaycanla nümayiş etdirilən həmrəyliyi, ölkəmizin suverenliyinə, ərazi bütövlüyünə və sərhədlərinin toxunulmazlığına verilən açıq dəstəyi yüksək qiymətləndiririk. Bu dövrdə Azərbaycanın yanında olan bütün ölkələrə və beynəlxalq təşkilatlara təşəkkür edir, onların davamlı dəstəyini və əməkdaşlığını yüksək qiymətləndiririk".

Hadisədən sonra müxtəlif beynəlxalq təşkilatlar və diplomatik missiyalar hücumu pisləyən açıqlamalar yayıb;

bir sıra ölkələrin xarici işlər nazirləri və diplomatik nümayəndələri Azərbaycan tərəfi ilə əlaqə saxlayaraq həmrəylik ifadə ediblər;

Azərbaycan Xarici İşlər Nazirliyinə rəsmi məktublar və telefon zəngləri daxil olub;

sosial şəbəkələrdə, xüsusilə X platformasında çoxsaylı dövlət rəsmiləri tərəfindən dəstək və həmrəylik mesajları paylaşılıb.

Azərbaycana dəstək olan beynəlxalq təşkilatların adları:

Birləşmiş Millətlər Təşkilatı (BMT)

İslam Əməkdaşlıq Təşkilatı

Türk Dövlətləri Təşkilatı

İqtisadi Əməkdaşlıq Təşkilatı

Avropa İttifaqı

Beynəlxalq Mülki Müdafiə Təşkilatı

Prezident İlham Əliyevin diplomatik fəaliyyəti

Hadisədən sonra Prezident İlham Əliyev bir sıra ölkələrin liderləri ilə telefon danışıqları apararaq regiondakı vəziyyət və təhlükəsizlik məsələlərini müzakirə edib. Dövlət və hökumət başçıları Azərbaycanın təhlükəsizliyinə və suverenliyinə dəstək ifadə ediblər.

Bu təmaslar göstərir ki, Azərbaycan regionda mühüm geosiyasi aktor kimi qəbul olunur və ölkə rəhbərliyinin diplomatik əlaqələri beynəlxalq səviyyədə geniş dəstək formalaşdırmağa imkan verir.

Azərbaycanın beynəlxalq nüfuzunun göstəricisi

İranın dron hücumu ilə bağlı yaranmış vəziyyətdə dünyanın müxtəlif bölgələrindən gələn siyasi dəstək mesajları bir neçə mühüm məqamı nümayiş etdirir.

Bütün bu dövlətlərin məlum reaksiyası Azərbaycanın və Prezident İlham Əliyevin şəxsi nüfuzunun baris nümunəsi və bunların nəticəsi olaraq ölkəmizin regiondakı rolunun göstəricisidir.

Dünyanın aparıcı ölkələrinin əksəriyyətinin Azərbaycana dəstək verməsi beynəlxalq ictimaiyyətdə ölkəmizin mövqeyinə tam dəstəyi göstərir.

Ziya SƏCCAD