Dağlıq Qarabağda erməni əsgər özünü güllələyib

Azərbaycanın işğal altında olan Dağlıq Qarabağ bölgəsində erməni əsgər özünü güllələyib.

BAKU.WS xəbər verir ki, bu barədə "tert.am" portalı məlumat yayıb.

Ermənistan Müdafiə Nazirliyinin mətbuat katibi Artsrun Hovhannisyan əsgərin özünə atəş açması faktını təsdiqləsə də, onun ölmədiyini bəyan edib.

Qeyd edək ki, erməni əsgərlər Qarabağda xidmətə məcburi cəlb edildiyi üçün tez-tez intihar edir və ya bir-birinə atəş açırlar. Ermənistan ordusunda hökm sürən xaotik vəziyyət əsgərlərin işğalçı xidmətdən boyun qaçırması ilə özünü açıq şəkildə biruzə verir.