Bərdənin bombalanmasından 4 il keçir

İkinci Qarabağ müharibəsi dövründə, 27 oktyabr 2020-ci ildə Bərdə rayonunun Qarayusifli kəndinin dinc əhalisi Ermənistan silahlı qüvvələri tərəfindən 2 "Smerç" və 2 "Elbrus" raketi ilə atəşə tutulmuşdur. Nəticədə 14 nəfər mülki şəxs xəsarət almış, 5 nəfər həlak olmuşdur, Qarayusifli kəndinin 5 fərdi yaşayış evinə isə ciddi ziyan dəymişdir.

28 oktyabr 2020-ci ildə Bərdə şəhəri növbəti dəfə Ermənistan tərəfindən 1 "Smerç" və 2 "Elbrus" raketi zərbələrinə məruz qalıb. Nəticədə 21 nəfər həlak olub, 82 insan yaralanıb. Həmçinin bir neçə mülki obyekt dağılıb, çox sayda avtomobil yararsız vəziyyətə düşüb.

Vətən müharibəsi zamanı Ermənistan silahlı qüvvələri tərəfindən Bərdənin bombalanması nəticəsində 28 nəfər həlak oldu, 108 nəfərdən çox dinc insan isə yaralandı.