Bakı-Moskva təyyarəsi təcili eniş edib

Volqoqrad hava limanında 3 təyyarə təcili eniş edib.BAKU.WS APA-ya istinadən xəbər verir ki, dünən Moskva vaxtı ilə saat 22:00-da Krasnoyarsk-Simferopol aviareysi üzrə uçan təyyarə sərnişinin özünü pis etdiyinə görə təcili eniş edib. Sərnişin regional xəstəxanaya yerləşdirilib.Qroznıdan Moskvaya uçan ikinci təyyarə hidravlik mayenin düşməsi ilə əlaqədar Moskva vaxtı ilə 01:18-də Volqoqrad aeroportuna təcili eniş istəyib.Bakı-Moskva reysi ilə hərəkətdə olan təyyarə isə Volqoqradda təcili eniş edib. Buna səbəb təyyarədə 60 yaşlı qadının özünü pis hiss etməsi olub. O, xəstəxanaya yerləşdirilib:"Qroznı-Vnukovo və Bakı-Moskva reysləri üzrə uçan təyyarələr hələ də Volqoqraddadır, hazırda onların yola düşməsi gözlənilir. Krasnoyarsk-Simferopol marşrutu üzrə uçan təyyarə isə artıq təyinat yerinə göndərilib", - deyə Volqoqrad hava limanından bildirilib.Heydər Əliyev Beynəlxalq Aeroportundan verilən məlumata görə, sözügedən Bakı-Moskva aviareysi Rusiyanın "Aeroflot" aviaşirkətinə məxsusdur:"Təyyarənin Volqoqraddan Moskvaya nə vaxt uçacağı hələ məlum deyil".