Alimlər maqnit qasırğasının gücünü səhv hesabladılar

Rusiya Elmlər Akademiyası Kosmik Tədqiqatlar İnstitutunun Günəş rentgen astronomiya laboratoriyasının və Rusiya Elmlər Akademiyasının Sibir bölməsinin Günəş-Yer Fizikası İnstitutunun alimləri maqnit qasırğasının gücünü qiymətləndirərkən səhvə yol veriblər.

BAKU.WS bu barədə Rusiya mediasına istinadən xəbər verir.

Qeyd olunur ki, alimlər Günəşin yaydığı plazma axınının sürətini və gücünü yanlış hesablayıblar. Plazma axınının buraxılma vaxtı Yerdən müşahidə oluna bilən son dərəcə zəif günəş alovu ilə üst-üstə düşüb.

Maqnit qasırğası nəticəsində Rusiyanın, hətta cənub bölgələrinin sakinləri noyabrın 5-dən 6-na keçən gecə qırmızı şimal işıqlarını müşahidə edə biliblər.