Azərbaycanda bölük komandiri HƏBS OLUNDU

Azərbaycanda "N" saylı hərbi hissənin bölük komandiri həbs edilib.

BAKU.WS "qafqazinfo"ya istinadən xəbər verir ki, kapitan Ağamalı Pənahov bölükdə xidmət edən hərbçilərdən rüşvət almaqda ittiham olunur.

Pənahova qarşı Cinayət Məcəlləsinin 311.3.2-ci (rüşvət alma - təkrar törədildikdə) maddəsi ilə ittiham verilib, barəsində həbs qətimkan tədbiri seçilib.

İstintaq orqanı tərəfindən toplanmış materiallar baxılması üçün Bakı Hərbi Məhkəməsinə göndərilib.