İlham Əliyev Ərdoğana zəng etdi: Türkiyənin yanındayıq
![İlham Əliyev Ərdoğana zəng etdi: Türkiyənin yanındayıq](https://baku.ws/storage/photos/thumbs/large/1467199722_6000-2.webp)
Azərbaycan Respublikasının Prezidenti İlham Əliyev iyunun 29-da Türkiyə Respublikasının Prezidenti Rəcəb Tayyib Ərdoğana telefonla zəng edib.
Azərbaycan Prezidentinin Mətbuat Xidmətindən BAKU.WS-ə verilən məlumata görə, dövlət başçısı İstanbulun Atatürk Hava Limanında törədilmiş dəhşətli terror aktı nəticəsində çoxlu sayda insanın həlak olması ilə əlaqədar Türkiyə Prezidentinə, ölənlərin ailə üzvlərinə və Türkiyə xalqına dərin hüznlə başsağlığı verib.
Prezident İlham Əliyev terrorçuların çirkin əməllərini qətiyyətlə pisləyərək Azərbaycanın həmişə olduğu kimi, bu ağır günlərdə də Türkiyənin yanında olduğunu vurğulayıb.
Türkiyə Prezidenti göstərilən diqqətə və başsağlığına görə minnətdarlığını bildirib.
BAKU.WS
Oxşar xəbərlər
Prezident İlham Əliyev Ərdoğana başsağlığı verdi
Prezident İlham Əliyev Türkiyə Respublikasının prezidenti Rəcəb Tayyib Ərdoğana başsağlığı məktubu göndərib. BAKU.WS AZƏRTAC-a istinadən bildirir ki, məktubda...