Azad olunmuş ərazilərdə modul tipli yataqxanaların quraşdırılmasına başlanılıb - VİDEO

Azad olunmuş ərazilərdə modul tipli yataqxanaların quraşdırılmasına başlanılıb - VİDEO
Video
Siyasət 160

İşğaldan azad edilmiş ərazilərdə dislokasiya olunan bölmələrin hərtərəfli təminatı, sosial-məişət şəraiti və qoşun xidmətinin təşkili ilə bağlı təxirəsalınmaz tədbirlər çərçivəsində modul tipli yataqxanaların quraşdırılması prosesi həyata keçirilir.

Bu barədə BAKU.WS-ə Müdafiə Nazirliyindən məlumat verilib.

Şəxsi heyətin səhra şəraitində kompakt yerləşdirilməsi üçün nəzərdə tutulan, müasir tələblərə cavab verən avadanlıqlarla təchiz edilən bu modul tipli yataqxanalarda bütün infrastruktur yaradılıb.

Elektrik, su və qaz xətləri çəkilən yataqxanalar tibb məntəqəsi, yeməkxana, mətbəx, silah otağı və hamam-sanitar qovşağı ilə təmin olunub.

Bu istiqamətdə müvafiq tədbirlər planlı şəkildə davam etdirilir.

Son xəbərlər