Yol qəzası marketin kamerasına düşdü - ANBAAN VİDEO

Zaqatalada baş verən yol qəzası kameraya düşüb.

BAKU.WS xəbər verir ki, qəza anı marketlərdən birinin müşahidə kamerasına düşüb. Videodan da görünür ki, iki avtomobil sürətlə hərəkət edərkən toqquşub.

Hadisə aprel ayının 11-də axşam saatlarında qeydə alınıb.

Ü.Əmirovun idarə etdiyi “Mercedes” markalı avtomobil digər nəqliyyat vasitəsi ilə toqquşub. Qəza nəticəsində sürücü müxtəlif dərəcəli ağır bədən xəsarətləri alıb.

Yaralı ilkin tibbi yardım üçün əvvəlcə Zaqatala Şəhər Mərkəzi Xəstəxanasına yerləşdirilib. Lakin vəziyyətinin ağır olduğu nəzərə alınaraq paytaxtdakı xəstəxanalardan birinə göndərilib.

Müayinə zamanı ona açıq kəllə-beyin, bədənin müştərək travmaları diaqnozları qoyulub.

Hadisə zamanı daha bir nəfər də yüngül xəsarət alıb.