Toydan çıxan kişini maşın vuraraq öldürdü

Qəbələ rayonunda piyadanın ölümü ilə nəticələnən yol-nəqliyyat hadisəsi baş verib.

BAKU.WS "report"a istinadən xəbər verir ki, hadisə Qaraməryəm-İsmayıllı-Şəki avtomobil yolunun rayonun Zarağan kəndi ərazisindən keçən hissəsində qeydə alınıb.

Qəbələ şəhər sakini, 1957-ci il təvəllüdlü Mirzəhüseyin Abdukərim oğlu Cəlilov toydan çıxıb yolu keçmək istəyərkən avtomobil onu vurub.

Piyada aldığı ağır bədən xəsarətlərindən hadisə yerində keçinib.

Faktla bağlı araşdırma aparılır.