Suraxanıda ev yanıb: İki azyaşlı tüstüdən boğulub

Bakı şəhərinin Suraxanı rayonunda ikimərtəbəli kommunal tipli yaşayış binasının ikinci mərtəbəsində ümumi sahəsi 40 m² olan 2 otaqlı mənzilin 1 otağının yanar konstruksiyaları və içərisindəki əşyalar 15 m² sahədə yanıb.

FHN-dən BAKU.WS-ə verilən məlumata görə, yanğınsöndürənlər hadisə yerinə çatana kimi iki azyaşlı tüstüdən boğulmuş halda xəstəxanaya aparılıb.

Xəstəxanadan verilən məlumata əsasən, 3 yaşlı Əlizadə Rüqayyə oğlu və 6 yaşlı Əlizadə İsmayıl Anar oğlu yolda vəfat edib.

Mənzilin qalan hissəsi yanğından mühafizə olunub.

Yanğın yanğından mühafizə bölmələri tərəfindən söndürülüb.