Şəkidə dəm qazından zəhərlənən ailə üzvlərinin son vəziyyəti açıqlandı

Şəki rayonunun Kiş kəndində dəm qazından zəhərlənən bir ailənin dörd üzvünün sön vəziyyəti açıqlanıb.

BAKU.WS xəbər verir ki, Tibbi Ərazi Bölmələrini İdarəetmə Birliyindən (TƏBİB) Oxu.Az-ın sorğusuna cavab olaraq bildirilib ki, hadisə nəticəsində dörd nəfər hospitalizasiya olunub.

"Ötən gün saat 15:40-da Şəki Rayon Mərkəzi Xəstəxanasının Təcili və təxirəsalınmaz tibbi yardım şöbəsinə dəm qazından zəhərlənmə şübhəsilə ilə dörd nəfər (üçü kişi, biri qadın olmaqla) hospitalizasiya olunub.

Zərərçəkənlərdən biri 2019-cu il təvəllüdlü, digəri isə 2024-cü il təvəllüdlüdür.

Zərərçəkənlərin hər birinə zəruri tibbi xidmətlər göstərilib. Hazırda hər birinin vəziyyəti stabil qiymətləndirilir",- deyə məlumatda qeyd olunub.