Ramiz Mehdiyevin həbs olunan köməkçisi azadlığa çıxdı

AMEA prezidenti Katibliyinin sabiq rəisi Eldar Əmirov azadlığa buraxılıb.

BAKU.WS “manset.az”a istinadən xəbər verir ki, Eldar Əmirov bu günlərdə azadlığa çıxıb.

Məsələ ilə bağlı Daxili İşlər Nazirliyinin mətbuat xidmətinin rəisi, polis polkovniki Ehsan Zahidov onun məhkəmənin qərarı ilə azad olunduğunu bildirib.

“Eldar Əmirov bir ay bundan qabaq inzibati xəta törətdiyinə görə həbs olunmuşdu. Yasamal Rayon Məhkəməsinin qərarı ilə 30 sutka həbs edilmişdi. Həbsin vaxtı bitdiyinə görə azad olunub”.

Qeyd edək ki, Eldar Əmirov Ramiz Mehdiyevin köməkçisi də olub.