Qaxda meşədə itkin düşən şəxsin kimliyi məlum olub - YENİLƏNİB

Qax rayonunun Ağçay kəndi yaxınlığında dağlıq-meşəlik ərazidə itkin düşən şəxsin kimliyi məlum olub.

BAKU.WS xəbər verir ki, həmin şəxs İlisu kənd sakini, 1993-cü il təvəllüdlü Rəhman Sədrəddin oğlu Kamallıdır.

O, iyul ayının 23-də rayonun Sarıbaş kənd sakini Ramazan adlı çoban tərəfindən həmin kənd yaxınlığındakı “Alagöz” yaylağına fermada işləmək üçün aparılıb.

Həmin gündən etibarən onun itkin düşdüyü ehtimal edilir.

Hazırda FHN-nin Şimal-qərb Regional Mərkəzinin xilasetmə qüvvələri axtarış-xilasetmə işlərinin aparılması üçün əraziyə cəlb olunub, aidiyyəti dövlət qurumları məlumatlandırılıb.

Hazırda axtarış-xilasetmə işləri həyata keçirilir.

***15:31

Qaxda meşədə bir nəfər itkin düşüb.

Bu barədə BAKU.WS-ə Fövqəladə Hallar Nazirliyinin (FHN) Mətbuat Xidmətindən məlumat verilib.

Bildirilib ki, FHN-in "112" qaynar telefon xəttinə Qax rayonunun Ağçay kəndi yaxınlığında dağlıq-meşəlik ərazidə naməlum şəraitdə 1 nəfərin itkin düşməsi barədə məlumat daxil olub.

Məlumatla əlaqədar FHN-nin Şimal-qərb Regional Mərkəzinin xilasetmə qüvvələri axtarış-xilasetmə işlərinin aparılması üçün əraziyə cəlb olunub, aidiyyəti dövlət qurumları məlumatlandırılıb.

Hazırda axtarış-xilasetmə işləri həyata keçirilir.