Piyada son anda ölümdən döndü

Paytaxtda yollardan birində piyadanın həyatı üçün təhlükə yaradacaq anlar yaşanıb. Hadisə Nərimanov rayonu, Əhməd bəy Ağaoğlu küçəsində qeydə alınıb.

Bu barədə BAKU.WS-in "qaynar xətti"nə görüntülər daxil olub.

Qeyd edilib ki, ADA Universiteti istiqamətindəki piyada yolundan keçmək istəyən sərnişin son anda qəzadan canını qurtarıb.

Kadrlarda "Hyundai Santa Fe" avtomobilinin svetaforun qırmızı işığında hərəkət edərək piyada keçidi üzərindən keçən piyadanın həyatını təhlükəyə atdığı görünür.

Hadisə ilə bağlı Bakı Şəhər DYP İdarəsinə sorğu göndərdik. Sorğuya cavab olaraq bildirilib ki, hazırda videogörüntü ilə bağlı araşdırma aparılır.

Sözügedən kadrları təqdim edirik: