Öz ayağıyla müayinə olunmaq üçün gəldiyi xəstəxanada öldü

Mingəçevir şəhərində xəstəxanaya müraciət edən kişi ölüb.

BAKU.WS qafqazinfo-ya istinadən xəbər verir ki, yanvarın 22-də Goranboy rayon Qızılhacılı kənd sakini, 1953-cü il təvəllüdlü Şamil Nəbiyev müayinə olunmaq üçün Mingəçevir şəhərində yerləşən “Nərgiz” klinikasına müraciət edib.

İlkin məlumata görə, Ş.Nəbiyev həkim səhlənkarlığı nəticəsində orada vəfat edib.Polis və prokurorluq əməkdaşları tərəfindən meyitə baxış keçirilib, məhkəmə tibb ekspertizası təyin edilib. Faktla bağlı Mingəçevir şəhər prokurorluğunda araşdırma aparılır.